Polıtseıler «Chıkago» meıramhanasynda jarylǵysh zat qoıyldy dep aqparat taratqan adamdy izdestirýde
AQTÓBE. 3 naýryz. QazAqparat /Samal Endibaeva/ - Polıtseıler Aqtóbe qalasyndaǵy meıramhanalarynyń birinde jarylǵysh zat qoıyldy dep jalǵan aqparat taratqan adamdy izdestirýde.
Búgin oblystyq ІІD ótkizilgen brıfıng barysynda habarlanǵandaı, 102 telefonyna qońyraý 28 aqpanǵa qaraǵan túnde kelip tústi. Belgisiz azamat «Chıkago» meıramhanasynda jarylǵysh zat qoıylǵany týraly jáne onyń jarty saǵattan keıin iske qosylatyny týraly habarlady.
Dabyl boıynsha qalanyń barlyq jedel qyzmetteri oqıǵa ornyna jetti, degenmen jarylǵysh zat tabylmady.
Qazirgi ýaqytta jalǵan aqparat taratqan adamdy izdestirý jumystary júrip jatyr, oǵan qatysty QR QK 242-baby boıynsha qylmystyq is qozǵaý máselesi sheshilýde.
