Polıtseıler bir kúndik jalaqylaryn Arys turǵyndaryna aýdarady

NUR-SULTAN. QazAqparat - Qazaqstannyń ishki ister organdarynyń qyzmetkerleri bir kúndik jalaqylaryn Arystaǵy jarylystardan zardap shekken turǵyndarǵa aýdarady, dep habarlaıdy QazAqparat tilshisi.

«QR ІІM basshysy Erlan Turǵymbaevtyń Arys qalasyndaǵy oqıǵadan zardap shekkenderge kómek kórsetý týraly bastamasyna elimizdiń ishki ister organdarynyń qyzmetkerleri qoldaý kórsetti. Іshki ister mınıstrliginiń jeke quramy jáne aýmaqtyq bólinisteri qaladaǵy tótenshe jaǵdaıdyń saldarynan zardap shekkenderge kómek qoryna birkúndik eńbekaqylaryn aýdarady»,- delingen atalǵan vedomstvo taratqan aqparatta.