Polıtseıler bıikten sekirmek bolǵan jigitti qalaı qutqarǵany týraly aıtty
ALMATY. QazAqparat – Almatylyq polıtseıler bıikten sekirmek bolǵan adamdy qalaı qutqarǵany týraly aıtyp berdi, dep habarlaıdy QazAqparat tilshisi.
Oqıǵa týraly buǵan deıin habarlaǵan bolatynbyz.
Dúken qyzmetkerine ǵashyq bolǵan 21 jastaǵy jigit qyzdan «joq» degen jaýap alǵan soń ǵımarattyń tóbesine shyǵyp, qulap ólmek bolǵan.
«Keshke saǵat 8-der shamasynda er adam shatyrdan sekirmek bolyp jatyr degen habar keldi. Oqıǵa ornyna kelsek, adamdar kóp jınalyp qalypty. Sondyqtan, biz esh oılanbastan batyl áreket etý úshin, eki jaqtan tóbege kóterildi», – dedi qalalyq patrýldik polıtsııa polkiniń ınspektory Abylaıhan Oqas.
Al taǵy bir polıtseı Ádilbek Óteuly: «Meniń áriptesterim baspaldaqpen ketti, men jarnama taqtasy arqyly kóterile bastadym. Sekirmek bolǵan adam menen alys emes edi», – dedi.
«Osy ýaqytta men baspaldaqqa júgirip baryp, joǵaryǵa kóterildim. Aldymen men er adamnyń nazaryn aýdartyp, bulaı jasamaýyn ótine bastadym. Biraq men jaqyndaǵan saıyn jigit odan ári sekirýge áreket jasaı bastady. Sol sátte shyǵys jaqtan kelgen áriptesim ony ustap alyp, shatyrǵa qaıta tartty», – dedi Almaty qalalyq PD qyzmetkeri Aqbergen Tólegenov.
