Polıtseıler Balotellıdi kólik júrgizý quqyǵynan aıyrdy
ASTANA. QazAqparat - Italııaǵa oralǵan «Mılan» komandasynyń shabýylshysy Marıo Balotellı kóligimen jyldamdyqty arttyrǵany úshin júrgizýshi kýáliginen aıyryldy, dep habarlady TASS.
Fýtbolshyny jol polıtseıleri Breshıa qalasynda «Marıo Rıgamontı» stadıonyna jaqyn jerde ustaǵan. Ol saǵatyna 50 km shekteý qoıylǵan jerde óziniń «Lamborgını» kóligimen saǵatyna 90 shaqyrym jyldamdyqpen júrgen. Sportshy óz qateligin moıyndap, abaısyzda qatelik jasaǵanyn aıtty. Shabýylshy isi qaralǵanǵa deıingi ýaqytqa júrgizýshi kýáliginen aıyryldy.
