Polıtseıler Astanada jaıaý júrginshini qaǵyp ketip, oqıǵa ornynan jasyrynǵan júrgizýshini izdeýde
ASTANA. Tamyzdyń 11-i. QazAqparat /Murat Jakeev/ - Jol polıtsııasy basqarmasy Astanada jaıaý júrginshini qaǵyp ketip, jol-kólik oqıǵasynyń ornynan iz jasyrǵan júrgizýshini izdeýde.
Astanalyq Jol polıtsııasy basqarmasynyń baspasóz qyzmeti habarlaǵandaı, oqıǵa shildeniń 23-i kúni, keshki saǵat 18.44 oryn alǵan. «A 441...» almatylyq memlekettik nómiri bar, qara-kók tústi tanylmaǵan kóliktiń anyqtalmaǵan júrgizýshisi Qabanbaı batyr kóshesimen №20 úıge qarama qarsy baǵytta kele jatyp, jaıaý júrginshini qaǵyp ketken, sodan keıin oqıǵa ornynan boı tasalap úlgergen.
«Jol-kólik oqıǵasynyń jaǵdaıyn anyqtaý maqsatymen atalmysh oqıǵany kórgen nemese osy fakt boıynsha bir habary bar adamdardyń Astana qalasy, ІІD, Jol polıtsııasy basqarmasyna 53-22-53, 53-27-76 jáne 53-22-63 baılanys telefondary arqyly habarlasýyn suraımyz», - delingen sársenbi, tamyzdyń 11-i kúni baspasóz qyzmetiniń taratqan aqparatynda.
