Polıtseıler Arys turǵynynan zańsyz qarý tárkiledi
ARYS. QazAqparat – Túrkistan oblysynyń polıtsııa qyzmetkerleri Arys qalasynyń turǵynynan zańsyz qarý tárkiledi, dep habarlaıdy «QazAqparat» HAA oblystyń polıtsııa departamentiniń baspasóz qyzmetine silteme jasap.
«20 shilde kúni Arys qalasynyń kóshelerin patrýldeý kezinde polıtseıler bir top jas jigitterdi kórgen. Tártip saqshylary olardyń birinen qarýǵa uqsas zatty baıqap qalyp, toqtaýǵa buıryq bergen. Alaıda jas jigitter buıryqqa baǵynbaı, qashýǵa tyrysqan», - delingen habarlamada.
Polıtseıler kólikke otyryp, qashpaq bolǵan qarýly kúdiktiniń izine túsip, ony qolǵa túsirgen. Avtokóliktiń salonyn tintý kezinde polıtsııa qyzmetkerleri odan ańshy qarýyn taýyp, tárkilegen.
Atalmysh fakti boıynsha QR QK 287-shi babyna («Qarýdy, oq-dárilerdi, jarylǵysh zattardy jáne jarylys qurylǵylaryn zańsyz ıemdený, berý, ótkizý, saqtaý, tasymaldaý nemese alyp júrý») sáıkes sotqa deıingi tergeý amaldary júrgizilip jatyr.
Polıtsııa qyzmetkerleri oqıǵanyń mán-jaıyn, kúdiktiniń ne sebepti ózimen birge qarý alyp júrgenin anyqtaý úsitnde. Zattaı aıǵaqtar tárkilendi.
