Polıtseıler arasyndaǵy dúnıejúzilik oıyndarda Reseı namysyn qorǵaǵan sportshy kıim urlaǵany úshin ustaldy
ASTANA. QazAqparat - 29 jastaǵy Rýslan Rızaev AQSh-ta quny birneshe myń dollar bolǵan taýardy urlamaq bolǵany úshin ustaldy.
Reseılik polıtsııa qyzmetkeri 1,5 myń dollar kepil aqsha bergen soń jiberildi, onyń tólqujaty tárkilendi. Aldyn ala tyńdaý kelesi aptada ótedi. Vırdjınııa shtatynyń zańy boıynsha, 200 dollardan qymbat zattardy urlaý qylmystyq jaza bolyp sanalady.
RF-nyń Vashıngtondaǵy baspasóz qyzmetiniń ókili qamaýǵa alý faktisinen beıhabar bolǵandyqtan, bul jaǵdaıdy túsindirýden bas tartty, dep habarlaıdy Washington Post.
Polıtseıler men órt sóndirýshiler arasyndaǵy dúnıejúzilik oıyndarda Rızaev Tatarstan Respýblıkasynyń hokkeı quramasynda boldy. Ol JHL-da kásibı deńgeıde birneshe maýsym ótkizgen.
