Polıtseıler arasynda ótken spartakıada úzdikteri marapattaldy
qpannyń 23-i. QazAqparat /Jasulan Amanbaıuly/ - Búgin Astanadaǵy «Alataý» sport saraıynda QR Іshki ister mınıstrliginiń sportakıadasynyń jabylý saltanaty ótip, úzdik atanǵan polıtseıler marapattaldy,
dep habarlaıdy QazAqparat.
Sporttyq jarys shaǵyn fýtbol, voleıbol, stol tennısi, shańǵy, júzý, jeńil atletıka, nysana kózdeý tárizdi sport túrleri boıynsha ótkizildi. Oǵan shamamen 450-ge tarta ishki ister mınıstrliginiń jáne vedomstvoǵa qarasty komıtetterdiń, departament pen basqarmalardyń qyzmetkerleri qatysty.
Jeńiske jetken komandalar men sportshylar mınıstrliktiń arnaıy dıplomdarymen, kýboktarymen marapattaldy.
«Qazirgi ýaqytta ishki ister organdary qyzmetkerleriniń fızıkalyq daıyndyǵyna qoıylatyn talaptar kúnnen kúnge kúsheıýde. Qylmyspen kúreste polıtsııa qyzmetkerleriniń daıyndyqtary úlken mánge ıe, sondyqtan mınıstrlik «Salaýatty ómir salty» atty memlekettik keshendik baǵdarlamany iske asyrýǵa mańyz berip keledi», deıdi Іshki ister mınıstrliginiń apparat basshysy polıtsııa polkovnıgi Áset Aqanov.
Onyń aıtýynsha, jeke quramnyń dene daıyndyǵyn nyǵaıtýǵa, qyzmetkerlerdiń salaýatty ómir saltyn qalyptastyrýǵa, olardy sporttyq sharalarǵa qatystyrý jumystary birinshi kezekke qoıylady.
Spartakıada dástúrli túrde uıymdastyrylyp keledi. Oǵan qatysýǵa nıet bildirýshiler jyl ótken saıyn kóbeıýde.
