Polıtseıler apta ishinde 10 kisi óltirý qylmysyn áshkereledi

ASTANA. QazAqparat – Bir apta ishinde respýblıka aýmaǵynda 2 904 qylmys jasaldy. Bul týraly Іshki ister mınıstrligi baspasóz qyzmetiniń ókili Shuǵyla Turlybek aıtty, dep habarlaıdy QazAqparat tilshisi.

«Bir apta ishinde 2 904 qylmys jasaldy, onyń 1 788-i táýlik ishinde ashyldy. Polıtsııa qyzmetkerleri «izin sýytpaı» 10 kisi óltirýdi, 3 ólimge ákep soqqan densaýlyqqa qasaqana aýyr zııan keltirýdi, 2 qaraqshylyq, 26 tonaý jáne 393 bóten múlikti urlaý qylmystaryn ashty», - dedi Shuǵyla Turlybek vedomstvonyń baspasóz qyzmeti alańynda ótken brıfıngte.

Sonymen qatar ol Jetisý oblysyndaǵy avtojoldarda «Krıs-P» fotoradarlary jumys isteı bastaǵanyn atap ótti.

«Úsh fotoradar jyljymaly kesheni joldardaǵy buzýshylyqtardy tirkeıdi. Bul rette patrýldik polıtsııa qyzmetkerleri buzýshylyqtardy rásimdemeıdi. «Krıs-P» derekteri Bas prokýratýranyń ákimshilik quqyq buzýshylyqtar bazasyn avtomatty túrde tolyqtyrady. Polıtseıler avtokólik quraldarynyń júrgizýshilerin jol qozǵalysy erejelerin múltiksiz saqtaýǵa jáne birinshi kezekte jyldamdyq rejımin asyrmaýǵa shaqyrady», - dedi mınıstrlik ókili.