Polıtseıler Almaty turǵynynyń úıinen jarty keliden astam esirtki tapty
ALMATY. QazAqparat - Almaty polıtsııasy arnaıy jedel-izdestirý operatsııasy barysynda Almaty turǵynyn ustady. Tártip saqshylary onyń úıinen jarty keliden astam esirtki zattaryn tapty, dep habarlaıdy QazAqparat tilshisi.
«Jedel aqparatqa sáıkes, 38 jastaǵy er adam ákesimen birge turady. Polıtsııa onyń esirtki satýmen aınalysyp kelgenin anyqtady. Birneshe kúnnen soń kúdikti ustaldy. Túrksib aýdanyndaǵy úıden ıisshil ıtterdiń kómegimen salmaǵy 300 gramm bolatyn sur tústi untaq zat, salmaǵy 200 gramm bolatyn ósimdik tektes zat tabyldy. Sot-hımııalyq saraptama bul zattardyń geroın men marıhýana ekenin anyqtady. Kúdikti esirtki zattaryn muqııat jasyrǵan. Alaıda ıisshil ıtter ony birden taýyp aldy», - dedi Polıtsııa departamentiniń esirtki bıznesine qarsy kúres basqarmasynyń ókili Erlan Almaǵambetov.
Kúdiktiniń úıinen jalpy alǵanda 1 myń 395 doza esirtki tabylǵan.
«38 jastaǵy er adam munyń aldynda da esirtki saqtap, satqany úshin qylmystyq jaýapkershilikke tartylǵany belgili boldy. Sonymen qatar, ózi de nashaqorlar esebinde turǵan.
Atalǵan derek boıynsha QR QK 297-babynyń 3-bólimimen sotqa deıingi tergeý jumystary bastaldy. Qazir polıtsııa atalǵan zattardyń qalaǵa jetý kanaldaryn anyqtap jatyr», - dedi podpolkovnık Almaǵambetov.
