Polıtseıler adamdy qaǵyp, qashyp ketken júrgizýshini izdep jatyr - Aqtóbe
AQTÓBE. QazAqparat - Aqtóbe - Orsk tas jolynda belgisiz bireý aýyl turǵynyn qaǵyp, oqıǵa ornynan qashyp ketken, dep habarlaıdy QazAqparat tilshisi.
Oblystyq polıtsııa departamenti jol-kólik oqıǵasy týraly kórip, bilgen júrgizýshilerdi izdep jatyr.
«3 qarasha kúni saǵat 6:00 men 7:30 aralyǵynda Aqtóbeden Orsk qalasyna nemese Orsk qalasynan Aqtóbege bet alǵan júrgizýshilerden kómek suraımyz. Qala mańyndaǵy Prıgorodnyı 1 aýyly mańynda jaıaý júrginshi mert bolǵan. Kúdikti oqıǵa ornynan ketip qaldy», - dep habarlady oblystyq PD baspasóz qyzmeti. Vıdeo tirkeý quraly bar kólik júrgizýshileri myna baılanys nómirine habarlasýdy surady: 8/7132/936100, 936118, +7-776-546-6666, +7-778-000-2476.
