Polıtseıler 70 kópbalaly otbasyǵa kómek kórsetti
KÓKShETAÝ. QazAqparat - Aqmola oblysynyń polıtseıleri jańa oqý jyly qarsańynda jaǵdaıy tómen jaǵdaıy tómen jáne kópbalaly 70 otbasynda tárbıelenip jatqan balalarǵa kómektesýde, dep habarlaıdy QazAqparat tilshisi oblystyq PD baspasóz qyzmetine silteme jasap.
Vedomstvonyń málimetinshe, respýblıkalyq «Mektep jol» qaıyrymdylyq aktsııasyna oblystyq ІІD-niń barlyq bólimsheleri, kóshi-qon polıtsııasy, krımınaldy jáne ákimshilik polıtsııa, ıývenaldy polıtsııa qyzmetkerleri atsalysyp jatyr. Tártip saqshylary jaǵdaıy tómen otbasylardaǵy tárbıelenip jatqan jasópirimderdiń jańa oqý jylyna daıyndyǵyn anyqtap, olardy baqylaýǵa aldy. Olardyń qatarynda kópbalaly, toly emes otbasylar, nemere tárbıelep otyrǵan qarttar men múmkindigi shekteýli balalary bar otbasylar jáne esepte turǵan otbasylar bar.
«Koronavırýs pandemııasynan jáne oǵan ilesken ekonomıkalyq quldyraý saldaryna kóptegen otbasy burynǵydan da qıyn jaǵdaıǵa tap boldy», - deıdi tártip saqshylary.
Vedomstvodan atap, ótkendeı aktsııa barysynda jańa oqý jyly qarsańynda jaǵdaıy tómen jáne kópbalaly 70 otbasynda tárbıelenip jatqan balalarǵa kómek kórsetilýde. «Mektepke jol» aktsııasy tamyz aıynyń sońyna deıin jalǵasady.
