Polıtseıler 4 jasar qyzdy qaýyp alǵan ıttiń ıesin taba almady
TALDYQORǴAN. QazAqparat - Taldyqorǵanda 4 jasar qyzǵa tap bergen ıt ıesiz bolyp shyqty, dep habarlaıdy QazAqparat tilshisi.
«Taldyqorǵannyń polıtseıleri ıttiń ıesin anyqtaý maqsatynda oqıǵa bolǵan jerdegi úılerdiń turǵyndaryna suraý salyp, jumystar júrgizgen edi. Biraq tórt aıaqty janýar ıesiz bolyp shyqty. Sońynan qańǵybas ıt arnaıy mamandardyń qolyna tapsyryldy», - dedi oblystyq ІІD baspasóz qyzmeti.
Esterińizge sala keteıik, biz buǵan deıin Taldyqorǵan qalasynda balabaqshadan qaıtyp kele jatqan kishkentaı balaǵa kóshedegi ıt tap bergenin habarlaǵan bolatynbyz. Abyroı bolǵanda sol mańdaǵy adamdar 4 jasar qyzdy qabaǵan ıtten arashalap alǵan.
