Polıtseıler 4 kún buryn joǵalǵan qostanaılyqty tapty
QOSTANAI. QazAqparat - Qostanaıda 4 kún buryn iz-tússiz joǵalyp ketken Sergeı Býrlakov tabyldy, dep habarlaıdy QazAqparat oblystyq PD baspasóz qyzmetine silteme jasap.
Qostanaıda 20 qyrkúıek kúni 18 jastaǵy Sergeı Býrlakov úıinen shyǵyp ketken. Buǵan deıin habarlaǵanymyzdaı ol anasyna Sadchıkov aýylynda turatyn dosyna baratynyn aıtqan.
Qostanaı oblystyq PD baspasóz qyzmetiniń habarlaýynsha, polıtseıler Sergeı Býrlakovtyń 4 kún boıy tanystarynda bolǵanyn anyqtady. Ol otbasyndaǵy kıkiljińnen keıin úıinen ketip qalǵan.
