Polıtseıler 3D-prınterde tapanshalardy jasap shyǵarǵan azamatty quryqtady
ASTANA. QazAqparat - Japondyq quqyq qorǵaý organdary 3D-prınterde tapanshalardy jasap shyǵardy degen kúdikpen 27 jastaǵy er azamatty qamaýǵa aldy
Polıtseıler Kavasakı qalasyndaǵy onyń úıinen qarýdyń bes úlgisin tárkilegen. Sarapshylardyń pikirinshe, tárkilengen tapanshalardyń ekeýi adam ómirine kádimgideı qaýip tóndire alady. Aldyn ala tujyrym boıynsha bul qarýlar 3D-prınterde basylyp shyqqan. Tekserý barysynda osy qarýlarǵa arnalǵan oq-dáriler tabylmady.
Polıtsııa ókilderiniń aıtýynsha, Japonııada bul 3D-prınter arqyly qarý jasap shyǵarýdyń alǵashqy oqıǵasy bolyp tirkeldi.
Esterińizge sala keteıik, ótken jyldyń mamyrynda 25 jastaǵy amerıkandyq 3D-prınterde basyp shyǵarǵan tapanshany synaqtan ótkizgen bolatyn. Bolattan quıylǵan qarýmen salystyrǵanda osy tapansha tolyǵymen plastmassadan jasalǵan. Onyń 16 bólsheginiń 15-i termoplastıkten basylǵan.
