Polıtseıler 12 jyldyq tarıhy bar qylmysty ashty - ІІM
ANA. 9 aqpan. QazAqparat /Arman Asqarov/ - Almaty qalasynyń Krımınaldyq polıtsııa qyzmetkerleri 1999 jyly jeltoqsan aıynda oryn alǵan adam óltirý qylmysyn ashty.
Bul týraly búgin QR Іshki ister mınıstrliginiń resmı ókili Qýanyshbek Jumanov málim etti.
Onyń habarlaýynsha, Almaty qalasynyń 24 jastaǵy jergilikti turǵynyn óltirý oqıǵasy boıynsha Z5 jastaǵy eki kúdikti ustaldy. Qazirgi kezde olar atalǵan qylmysty jasaǵandaryn moıyndap otyr. «Kúdiktiler avtomashınany jóndeımiz degen syltaýmen jábirlenýshini Qarasaı aýdanyndaǵy Ermensaı aýylyna alyp shyǵyp, býyndyryp óltirgen. Olar ýaqytsha oqshaýlaý abaqtysyna qamaýǵa alynyp, kisi óltirý faktisi boıynsha tergeý amaldary júrgizilýde», - dep atap kórsetti Q.Jumanov.
