Polıtseıge pyshaq salǵan pavlodarlyq turǵyn 12 jylǵa sottaldy
Oqıǵa 2020 jyldyń 15 qarashasynda bolǵan. Mektep muǵalimderi tártip saqshysyna kámeletke tolmaǵan balalardyń anasy tárbıeleýmen aınalyspaıtynyn aıtyp, balalardy tastap ketetindigine jáne spırttik ishimdikterdi asyra paıdalanatyndyǵyna shaǵymdanǵan. Saýalnama kezinde balalar anasynyń bolýy múmkin boljamdy mekenjaıyn kórsetken.
Ýchaskelik ınspektor muǵalimdermen birge kórsetilgen mekenjaıǵa barǵan sátte olardy mas kúıdegi er adam qarsy alǵan. Er adam kenetten ýchaskelik polıtsııa qyzmetkerine pyshaqpen shabýyl jasaǵan. Abyroı bolǵanda, polıtseıdiń syrtqy kıimi pyshaqtyń tereń enýine jol bermegen. Sot-medıtsınalyq saraptama nátıjesine sáıkes, ol jeńil dárejedegi dene jaraqatyn alǵan.
Qylmystyq ister jónindegi mamandandyrylǵan aýdanaralyq soty Ýspen aýdanynyń turǵynyn QR Qylmystyq kodeksiniń 380-1-baby 1-bóligine sáıkes kináli dep taýyp, 12 jylǵa bas bostandyǵynan aıyrdy.