Polıtseıge para usynǵan júrgizýshiniń basy bálege qaldy
Vedomstvonyń deregi boıynsha, oqıǵa 30 qańtarda «Rýbej-Býrabaı» beketinde oryn alǵan. Jol qozǵalysyn baqylap júrgen jol patrýl polıtsııa batalonynyń qyzmetkerleri Petropavl qalasynyń 28 jastaǵy turǵyny tizgindegen «Mercedes Benz-200» kóligin toqtatqan. Júrgizýshiniń qujattaryn tekserý kezinde polıtseıler QR mindetti saqtandyrý jónindegi zańnamasyna qatysty zańbuzýshylyqty anyqtaǵan.
Jaýapkershilikke tartylmaý úshin júrgizýshi polıtsııa qyzmetkerine 2000 teńge para usynǵan. Alaıda, polıtsııa qyzmetkeri paradan bas tartyp, jemqorlyq qylmys týraly óziniń basshylyǵy men PD ishki qaýipsizdik basqarmasyna habarlaǵan.
«Sol kúni jedel tergeý sharasy barysynda laýazymdy tulǵaǵa para bermek bolǵan azamat ustaldy. Qazirgi kezde atalǵan oqıǵaǵa baılanysty QR QK 367-babynyń 1-bóligi boıynsha is qozǵalyp, sotqa deıingi tergeý amaldary júrgizilýde», - dep túsindirdi Aqmola oblysynyń PD baspasóz qyzmetindegiler.