Polıtseıge para usynǵan semeıliktiń ústinen qylmystyq is qozǵaldy

SEMEI. QazAqparat – Semeı qalasynyń turǵyny tártip saqshysyna 6 myń teńge para bermek bolǵan, dep habarlaıdy QazAqparat.

«VAZ-2108» markaly avtokólik júrgizýshisi Qarjaýbaıuly jáne Mıchýrın kósheleriniń qıylysynda manevr jasaý qaǵıdalaryn buzǵan. Muny baıqaǵan polıtseı ony toqtatyp, ákimshilik hattama toltyrmaq bolady.

«36 jastaǵy er adam patrýl kóliginiń ishinde polıtsııa qyzmetkerine para usynǵan. Tártip saqshysy oǵan laýazymdy tulǵaǵa para bergeni úshin qylmystyq jaýapkershilikke tartylatynyn eskertedi. Alaıda ol buǵan qulaq aspaı, aldyńǵy oń jaq oryndyqtyń astyna 6 myń teńge tastaǵan», - dep habarlady ShQO polıtsııa departamentiniń baspasóz qyzmeti.

Búginde júrgizýshige qatysty QR Qylmystyq Kodeksiniń 367-baby boıynsha is qozǵalǵan.