Polıtseıge para bermek bolǵan Oral turǵyny ustaldy

ORAL. QazAqparat – Polıtseıge para bermek bolǵan Oral qalasynyń turǵyny ustaldy, dep habarlaıdy QazAqparat tilshisi.

BQO polıtsııa departamentiniń baspasóz qyzmeti málim etkenindeı, oqıǵa D.Qonaev shaǵynaýdanynda boldy.

Shyǵyn keltirmegen jol-kólik oqıǵasyn jasaǵan júrgizýshi Oral qalasy polıtsııa basqarmasy patrýldik polıtsııa batalonynyń ınspektoryna ákimshilik hattama toltyrmaý úshin 10 myń teńge kóleminde para usynǵan.

Inspektor paradan bas tartqan jáne onyń jasaǵan eskertýine qulaq aspaǵannan keıin júrgizýshige qatysty ákimshilik is júrgizýden basqa QR QK 367-baby 1-bóligine (para berý) sáıkes qylmystyq is qozǵaldy.

BQO polıtsııa departamenti laýazymdy qyzmetkerge para berý qylmystyq is-áreket ekendigin eske salady.

Eske sala keteıik, budan buryn Oralda zańsyz dári-dármek satqan erli-zaıypty ustalǵanyn jazǵan bolatynbyz.