Polıtseıge ıtin aıtaqtaǵan óskemendik 1 jylǵa sottaldy
ÓSKEMEN. QazAqparat – Óskemen turǵyny otbasylyq janjal kezinde ıtin polıtseıge aıtaqtaǵan, dep habarlaıdy QazAqparat tilshisi.
Shyǵys Qazaqstan oblystyq Polıtsııa departametinen málim etkendeı, Óskemendegi turǵyn úılerdiń biriniń aýlasynda erli-zaıyptylar arasynda urys-keris shyqqan. Daý barysynda ashýǵa býlyqqan kúıeýi áıeline judyryq siltegen. Qoryqqan áıel «102» nómirine qońyraý shalǵan.
«Oqıǵa ornyna eki ýchaskelik ınspektor birden attandy. Olar ekeýin bir-birinen ajyratpaq bolǵanda er adam polıtsııa qyzmetkerine ıtin aıtaqtaǵan» - dep habarlady polıtsııadan.
Pýlbýlterer tártip saqshysynyń aıaǵyn tistep, odan soń bilegin qapqan. Sol mezette qashyp qutylmaq bolǵan ıttiń ıesin ekinshi tártip saqshysy qolǵa túsirdi. Itti zardap shegýshi áıel tynyshtandyrǵan.
Sot Óskemen qalasynyń turǵynyn kináli dep tanyp, bir jylǵa bas bostandyǵynan aıyrýǵa úkim shyǵardy. Óz jazasyn qaýipsizdigi barynsha joǵary túzeý mekemesinde óteıdi. Sonymen qatar polıtsııa qyzmetkerine 150 myń teńge kóleminde moraldyq shyǵyn tóleýge mindetteldi.
Talǵatjan Muhametbekuly
