Polıtseıdiń jubaıy balalaryn óltirip, sosyn óz-ózine qol salǵan - BAQ
ASTANA. QazAqparat - Shyǵys Qazaqstan oblysynda polıtseıdiń 34 jastaǵy jubaıy men eki balasynyń qaza tabý faktisi boıynsha qylmystyq is toqtatyldy, dep habarlaıdy YK-news.kz.
«Qylmystyq isti jan-jaqty jáne obektıvti tergeý barysynda polıtsııa áıeliniń óz balalaryn óltirip, keıin óz-ózine qol jumsaǵany anyqtaldy. Osyǵan baılanysty qylmystyq is toqtatyldy», - dep habarlady ShQO ІІD memlekettik til jáne aqparat basqarmasynyń basshysy Baqytjan Torǵaev.
Eske salaıyq, qaıǵyly oqıǵa 2017 jyldyń 10 tamyzynda Qatonqaraǵaı aýdanynyń Úlken Naryn aýylynda bolǵan. Jergildikti polıtseı jumystan kelgennen keıin áıeli men eki qyzyn óli kúıinde tapqan. On jasar jáne segiz jasar qyzdar pyshaqtalǵan, al 34 jastaǵy jubaıy symǵa asylyp turǵan. Olardyń aýyldastary áıeldiń balalaryn óltirip, keıin óz-ózine qol salýy múmkin ekendigin boljaǵan.
Alaıda quqyq qorǵaýshylar atalǵan oqıǵa boıynsha resmı málimdeme jasamaǵan edi.
