Polıtseıdiń joldaǵy júrisi jaǵa ustatady
ASTANA. QazAqparat - Astana joldarynda VW Passat kóligimen ala quıyndatyp júrgen polıtseı ákimshilik jaýapkershilikke tartylyp, 120 380 teńge (65 AEK) aıyppul tóleıtin boldy, dep habarlaıdy Lafa.kz.
Tártip saqshysynyń buzǵan erejelerin tizbektesek, ol 2 márte joldyń qarsy betine shyǵyp ketken, 2 ret joldyń qarsy jolaǵymen júrgen, 2 ret baǵdarshamnyń qyzyl túsine toqtamaı, ótip ketken, odan basqa jaıaý júrginshilerge jol bermegen, memlekettik nómiri lastanǵan kúıde júrgen.
Jolǵa shyqsa, jeligip ketetin júrgizýshi Astana qalasynyń ІІD Tyldy qamtamasyz etý basqarmasynyń qyzmetkeri, polıtsııanyń aǵa serjanty A.E. Temirǵalıev ekeni anyqtaldy. Onyń ústinen 6 ákimshilik is qozǵaldy.
