Polıtseıdiń jaǵasynan alǵan júrgizýshi jaýapkershilikke tartyldy
ALMATY. QazAqparat - Almatyda polıtseıdiń jaǵasynan alǵan júrgizýshi ákimshilik jaýapkershilikke tartyldy, dep habarlaıdy QazAqparat tilshisi.
Qalalyq ІІD baspasóz qyzmetiniń habarlaýynsha, oqıǵa Qonaev-Jibek joly kóshesinde bolǵan. Kóligin turaqqa durys qoımaǵan júrgizýshi eskertý aıtqan polıtseıdiń jaǵasyna jarmasa túsken. Bul vıdeo áleýmettik jelide keńinen taralyp ketti.
Oǵan qatysty QR ÁqbK 601-babynyń 1-bólimimen is qozǵalyp, 3 AEK mólsherinde aıyp taǵyldy.
«Polıtsııa qyzmetkeriniń qujatty kórsetý týraly talabyna agressııamen jaýap bergen. Onymen qosa bylapyt sóz aıtyp, qorqytýǵa tyrysqan. Quqyqbuzýshy QR QK 378-baby boıynsha zań ókiline til tıgizý, qol jumsaý qylmysyn jasady. 33 jastaǵy er adamǵa qatysty tergeý isi tirkeldi. Qazir Medeý aýdandyq ІІB anyqtaý bólimi tıisti saraptama jasaıtyn bolady», - dedi qalalyq ІІD resmı ókili Saltanat Ázirbek.
Er adam óziniń is-áreketi úshin polıtsııa qyzmetkerinen keshirim suraǵan.
«Júrgizýshilerdiń mádenıetsizdigi men tártipsizdigi onsyz da qym-qýyt jol ahýalyn aýyrlata túsedi. Qalada kúnine 900 myń kólik júredi. Osyndaı kólik aǵynyn retteý ońaı emes. Polıtsııa qyzmetkerleri quqyqbuzýshylyqtyń aldyn alý úshin kúnde arnaıy reıd operatsııalaryn júrgizip turady», - dedi S.Ázirbek.
Aıta ketý kerek, ótken jyly 81 myń 955 ret turaq erejesi buzylǵan. Júrgizýshilerge 691 mln 612 myń 662 teńge kóleminde aıyppul salyndy.
