Polıtseıdiń murnyn buzǵan turǵyn sottaldy
ORAL. QazAqparat - Oral qalalyq sotynyń úkimimen 23 jasar V.Shýravlev QR QK 293-baby 2-bólimi 2-tarmaǵy, 379-baby 1-bólimi, 380-baby 1-bólimine sáıkes aıypty dep tanylyp, onyń 2 jylǵa bas bostandyǵy shekteldi, dep habarlaıdy «QazAqparat» tilshisi.
BQO prokýratýrasynyń baspasóz qyzmetinen túsken málimetke qaraǵanda, odan sondaı-aq 229 514 teńge protsessýaldyq shyǵyn óndirildi.
Sot talqysynda belgili bolǵanyndaı, V.Shýravlev 2016 jyly 17 jeltoqsan kúni araq ishken kúıinde «Ýzbechka» dámhanasynda otyrǵandarǵa tıisip, balaǵattaǵan. Ydys-aıaqty syndyryp, oryndyqty laqtyrǵan ol barda turǵan qyzdyń keýde tusynan urǵan. Polıtsııa bólimine jetkizilgennen keıin bılik ókilderine til tıgizgenimen qoımaı, baspen soǵyp, bir qyzmetkerdiń murnyn buzǵan.
Sottalýshy óz kinásin tolyq moıyndady.
Sot úkimi zańdy kúshine endi.
