Polıtseıdiń kóligin qaqqan júrgizýshiniń ústinen qylmystyq is qozǵaldy
TALDYQORǴAN. QazAqparat - Almaty oblysynda polıtseıdiń kóligin qaqqan júrgizýshiniń ústinen qylmystyq is qozǵaldy. Oqıǵa ornynda tártip saqshysy kóz jumdy, dep habarlaıdy QazAqparat tilshisi.
Bastapqy boljam boıynsha, jol jıeginde turǵan polıtseıdiń VAZ 21214 kóligin «Sýzýkı» mashınasy kelip qaqqan. Qyzmettik kóliktiń ishinde bolǵan 40 jastaǵy polıtsııa maıory oqıǵa ornynda kóz jumdy.
Qaıǵyly jaǵdaı Almaty-Qaskeleń tas jolynyń boıynda bolǵan. Qaıtys bolǵan ınspektor Qarasaı aýdandyq ІІB-de qyzmet istegen. Sondaı aq bul kólikte tártip saqshysymen birge 48 jastaǵy áıel adam otyrǵan. Qazir ol túrli jaraqatpen Qaskeleń qalasynyń aýrýhanasyna jetkizildi.
Boljamǵa sáıkes, 24 jastaǵy «Sýzýkı» mashınasynyń júrgizýshisi kólik tizginine ıe bola almaı qalǵan.
