Polıtseıdiń áreketine ashynǵan júzdegen adam ereýilge shyqty
ASTANA. QazAqparat - Mysyr astanasy Kaırde kólik júrgizýshisin atyp tastaǵan polıtseıdiń áreketine ashynǵan júzdegen adam ereýilge shyqty, dep habarlady www.24.kz.
Narazylyq bildirgen sherýshiler qaýipsizdik basqarmasynyń aldynda urandatyp, kinálini jazaǵa tartýdy talap etti. Al orynsyz oq atqan polıtseı áriptesteriniń kómegimen áreń qashyp qutyldy. Ashýǵa býlyqqan halyq ony óltirýge bekingen. Munda ótken aptada da osyndaı oqıǵa bolǵan edi. Ol kezde polıtseıler aýrýhanada dárigerlik jazbany ózgertýden bas tartqan 2 dárigerdi soqqyǵa jyqqan. Al taıaýda joǵalyp ketken ıtalııandyq stýdenttiń máıiti qala shetinen tabyldy. Іzinshe ony da polıtseıler uryp óltirdi degen aqparat tarady.
Aıta keteıik, burynǵy prezıdent Hosnı Mýbarakqa qarsy bas kóterý de tártip saqshylarynyń bassyzdyǵyna narazylyqtan bastalǵan edi.
