Polıtseıdiń ákimge nemese mınıstrge aıyppul sala alatynyna qoǵam senbeıdi - QR Prezıdenti
ASTANA. QazAqparat - Polıtseılerdiń mártebesi men onyń azamattar aldyndaǵy jaýapkershililigin arttyrý qajet. Bul týraly búgin Astanada «Nur Otan» partııasynyń kezekten tys XVI sezinde QR Prezıdenti, partııa Tóraǵasy Nursultan Nazarbaev málim etti.
«Polıtsııa qoǵamnyń seniminen shyǵýy kerek. Qazir qoǵam jol-patrýldik qyzmettiń ofıtseri jol erejesin buzǵany úshin ákimge nemese mınıstrge aıyppul salatynyna senbeıdi. Men Qasymov (red. - QR Ishki ister mınıstri Qalmuhanbet Qasymov) týraly tipti aıtpaı-aq qoıaıyn. Mysaly, jaqynda AQSh-tyń memlekettik hatshysy Djon Kerrımen bir oqıǵa boldy. Oǵan óz úıiniń aldynda ýaqytyly qar tazalamaǵany úshin aıyppul jazyp bergen. Onyń baspasóz hatshysy aıyppuldy tóleıtindigin málim etip úlgerdi», - dedi Memleket basshysy.
Soǵan baılanysty Prezıdent birqatar tapsyrmalar berdi. «Sondyqtan, polıtseılerdiń mártebesi men onyń azamattar aldyndaǵy jaýapkershililigin arttyrý qajet. Sondaı-aq, quqyq qorǵaý organdarynyń ashyqtyǵyn qamtamasyz etetin sharalar jıyntyǵyn jasaqtaý, aqparattyq tehnologııalardyń damytý, beıneregıstratorlarmen qamtamasyz etý qajet. Polıtsııaǵa kásibı-psıhologııalyq irikteýdiń jańa júıesin jasaý mańyzdy. Polıtseı biliktiligin anyqtaý boıynsha synaqtar ótkizilip otyrýy shart», - dep atap ótti N.Nazarbaev.
