Polıtseıdi jaǵadan alǵan júrgizýshi kóliktiń burynǵy ıesin aldap ketken
ALMATY. QazAqparat - Almatyda polıtseıdi jaǵadan alǵan júrgizýshini BMW X5 burynǵy ıesi alaıaqtyq jasady dep aıyptady, dep habarlaıdy QazAqparat tilshisi.
Bul týraly qalalyq ІІD resmı ókili Saltanat Ázirbek aıtty.
Shataq júrgizýshi BMW X5 kóliginiń burynǵy ıesi, Qyrǵyzstan azamatyna 10 myń AQSh dollaryn tólemegen.
Áleýmettik jeliden vıdeony kórgen Qyrǵyzstan azamaty boryshkerdi tanyp, polıtsııaǵa aryzdandy.
«Polıtsııa Osmonov degen azamattan QR QK 190-baby boıynsha aryzdy qabyldadyq. Іs biryńǵaı tergeý isi reestrine tirkeldi. Qalalyq ІІD tergeý bóliminiń qyzmetkerleri 2 jyl buryn bolǵan mámileniń qyr-syryn tekserip jatyr», - dedi S.Ázirbek.
Aıta ketý kerek, Almatyda polıtseıdiń jaǵasynan alǵan júrgizýshi ákimshilik jaýapkershilikke tartylǵan bolatyn.
Qalalyq ІІD baspasóz qyzmetiniń habarlaýynsha, oqıǵa Qonaev-Jibek joly kóshesinde bolǵan. Kóligin turaqqa durys qoımaǵan júrgizýshi eskertý aıtqan polıtseıdiń jaǵasyna jarmasa túsken. Bul vıdeo áleýmettik jelide keńinen taralyp ketti.
Oǵan qatysty QR ÁqbK 601-babynyń 1-bólimimen is qozǵalyp, 3 AEK mólsherinde aıyp taǵyldy.
«Polıtsııa qyzmetkeriniń qujatty kórsetý týraly talabyna agressııamen jaýap bergen. Onymen qosa bylapyt sóz aıtyp, qorqytýǵa tyrysqan. Quqyqbuzýshy QR QK 378-babyn boıynsha zań ókiline til tıgizý, qol jumsaý qylmysyn jasady. 33 jastaǵy er adamǵa qatysty tergeý isi tirkeldi. Qazir Medeý aýdandyq ІІB anyqtaý bólimi tıisti saraptama jasaıtyn bolady», - dedi qalalyq ІІD resmı ókili, polıtsııa podpolkovnıgi Saltanat Ázirbek.
Er adam óziniń is-áreketi úshin polıtsııa qyzmetkerinen keshirim suraǵan.
