Polıtseıdi urǵan qyzylordalyq 3 jylǵa sottaldy

QYZYLORDA. QazAqparat - Qyzylordada polıtsııa qyzmetkerine qol kótergen jigit bas bostandyǵynan aıryldy, dep habarlaıdy QazAqparat tilshisi.

Bıyl Shıeli aýdanynyń turǵyny Qyzylorda qalasynda telefon urlyǵy boıynsha polıtsııa qolyna tústi. Dál sol sátte ol polıtsııaǵa qarsylyq kórsetip, oǵan dene jaraqatyn salǵan.

«Atalǵan derek boıynsha QR Qylmystyq Kodeksiniń 380-babynyń 1-bóligimen boıynsha sotqa deıingi tergeý júrdi. Tergeý barysynda bul azamattyń bıyl 15 mamyrda Shıeli aýdany turǵynyna kúsh kórsetip, uıaly telefony men aqshasyn tartyp alǵandyǵy anyqtaldy. Kúdiktige qatysty kúzetpen ustaý túrindegi bultartpaý sharasy qoldanyldy. Eki derek boıynsha qylmystyq is qujattary sotqa joldanǵan», - dedi qalalyq polıtsııa basqarmasynyń baspasóz qyzmeti.

Atalmysh qylmystyq is boıynsha Qyzylorda qalalyq soty úkim shyǵardy. Sot úkimimen ol kináli dep tanylyp, 3 jylǵa bas bostandyǵynan aıyryldy.

Aıta ketsek, bıyl Qyzylorda qalasy polıtsııa basqarmasynda bılik ókiline baǵynbaýy jáne olarǵa qarsy kúsh qoldanýdyń 9 deregi tirkelgen eken.