Polıtseıdi tepken reseılik 1 mln teńgeden asa aıyppul tóleıtin boldy
ALMATY. QazAqparat - Polıtseıdiń betinen tepken reseılik 1 mln teńgeden asa aıyppul tóleıtin boldy, dep habarlaıdy QazAqparat tilshisi qalalyq sotqa silteme jasap.
Mundaı úkimdi Almatydaǵy Túrksib aýdandyq sotynyń sýdıasy shyǵardy.
Oqıǵa Almaty áýejaıynda bolǵan.
Іs materıaldaryna sáıkes, 31 jastaǵy Dorofeev Alekseı áýejaıda ishimdik ishken. «Eır Astana» áýe kompanııasy tártipsiz jolaýshyny reısten túsirý týraly sheshim qabyldaǵan. Jolaýshy bul sheshimge qarsylyq bildirgen. Sondyqtan, bort serikter jolaýshyny kúshtep túsirý úshin polıtsııa shaqyrady.
Sol ýaqytta Dorofeev bılik ókilderine balaǵat sóz aıtyp, polıtsııa qyzmetkeriniń betinen tepken.
Soqqynyń saldarynan qyzmetkerdiń murny synǵan.
Sot otyrysynda Dorofeev óziniń kinásin tolyǵymen moıyndady.
Sýdıa sottalýshyny QR QK 378-babynyń 1-bólimimen, 380-babynyń 1-bólimimen aıypty dep taýyp, 550 AEK mólsherinde 1 mln 247 myń teńge aıyppul saldy.
