Polıtseıdi pyshaqpen jaraqattaǵan SQO turǵynyna úkim shyqty
PETROPAVL. QazAqparat – Polıtsııa qyzmetkerin pyshaqpen jaraqattaǵan Soltústik Qazaqstan oblysynyń turǵynyna sot úkimi shyqty. «QazAqparat» HAA bul týraly Polisia.kz saıtyna silteme jasap habarlaıdy.
Oqıǵa naýryz aıynda bolǵan. Mıchýrın kóshesiniń boıynda er adam janjal shyǵaryp, shaqyrtý boıynsha ýchaskelik polıtsııa ınspektorlary kelgen. Petropavl qalasynyń 32 jastaǵy turǵyny mas bolǵan. Ol kelgen tártip saqshylaryna synǵan bótelkemen qarsy umtylǵan. Keıin keńse pyshaǵymen polıtseılerdiń birin jaraǵattaǵan.
Janjalqoıǵa «Bılik ókiline qatysty kúsh qoldaný» baby boıynsha aıyp taǵyldy.
«Bul - qoǵamdyq tártip úshin úlken qaýip tóndiredi. Sondyqtan kúdiktilerge qatysty qamaqqa alý túrindegi bultartpaý sharasy ǵana qoldanylady. Ómir men densaýlyqqa qaýipti emes kúsh qoldanǵany úshin eń tómengi jaza – 3 myń AEK mólsherinde aıyppul salynsa, eń joǵary jaza – úsh jylǵa bas bostandyǵynan aıyrý kózdelgen. Ómirge jáne densaýlyqqa qaýip týdyrǵan jaǵdaıda 5 jyldan 10 jylǵa deıin bas bostandyǵynan aıyrý jazasy beriledi. Jazanyń aýyrlyǵy qylmystyń qaýiptilik deńgeıine baılanysty. Polıtseılerdiń zańdy talaptaryn oryndaý ár azamattyń mindeti», - deıdi SQO Polıtsııa departamenti bastyǵynyń orynbasary Eńbek Sembın.
Sot úkimimen qala turǵynyna eki jylǵa bas bostandyǵyn shekteý jazasy taǵaıyndaldy.
Jalpy jyl basynan SQO-da polıtsııa qyzmetkerlerine qatysty kúsh qoldanýdyń 11 faktisi tirkeldi, olardyń 8-i qazirgi ýaqytta sotqa jiberildi.
