Polıtseıdi balaǵattaǵan mańǵystaýlyq 40 saǵatqa qoǵamdyq jumysqa tartyldy

AQTAÝ. QazAqparat - Mańǵystaý oblysynyń turǵyny polıtseıdi balaǵattap, isti boldy, dep habarlaıdy QazAqparat.

«Túpqaraǵan aýdandyq sotynda QR QK-niń 378-babynyń 1-bóligimen Sh-ǵa qatysty qylmystyq is qaraldy.

Sotta anyqtalǵandaı, Sh. 02.08.2020 jyly Fort-Shevchenko qalasynda mas kúıinde polıtsııa qyzmetkerin balaǵattap, qorlaǵan. Sot úkimimen Sh. QR QK-niń 378-babynyń 1-bóligimen kináli dep tanylyp, oǵan 40 saǵatqa qoǵamdyq jumystarǵa tartý jazasy taǵaıyndaldy»,- delingen baspasóz habarlamasynda.

Sot úkimi 16 kúrkúıekte zańdy kúshine endi.