Polıtseı tórt stýdentti ajaldan aman alyp qaldy – Pavlodar oblysy
PAVLODAR. QazAqparat - Ortalyq jaǵajaıda sýǵa batyp kete jazdaǵan aýdandyq agrarlyq-tehnıkalyq kolledjdiń stýdentterine ishki ister bólimi polıtsııasynyń aǵa leıtenanty Ǵalymbek Jumabaev der kezinde kómek kórsete bildi, dep habarlaıdy pavlodarnews.kz.
Bul týraly Aqqýly aýdany ishki saıasat bóliminiń mamany Amanjol Erenuly málim etti.
«Ǵalymbek Jumabaev otbasymen birge jaǵajaıǵa demalýǵa barǵan. Sol kezde І, ІІ kýrs stýdentteriniń jaǵada serýendep júrgenin baıqap qalady»,-deıdi Amanjol Erenuly.
Tártip saqshysy endi bir qaraǵan sátte olardyń sýǵa batyp bara jatqanyn kórip qalyp, dereý áreket etýge kirisken. Polıtsııa qyzmetkeri aldymen alysqa ketip qalǵan qyz balany jaǵaǵa shyǵaryp alyp, sońynan dereý úsheýine kómek kórsetýge asyqqan. Odan soń jastarǵa medıtsınalyq qyzmet kórsetedi. Stýdentter esterin jınaǵannan keıin mundaı serýenniń qanshalyqty qaýipti ekenin túsindirip, úılerine jibergen.
Aıta ketken jón, Ǵalymbek Jumabaev ishki ister organynda 10 jyldan astam jumys isteıdi.
