Polıtseı sýǵa batqan balalardy qutqardy

PAVLODAR. QazAqparat - Pavlodarlyq polıtseı sýǵa batqan balalardy qutqardy. Bul týraly QazAqparat polisia.kz silteme jasap habarlaıdy.

Pavlodar oblysynda 5 qazan kúni saǵat 16.00 shamasynda 12 jasar Aspandııar men 11 jasar Qýanysh mektepten keıin Ertis ózeniniń jaǵasynda serýendep júrgen. Sol sátte Qýanysh jarǵa tym jaqyn kelip, sýǵa qulap túsken. Onyń júze almaıtynyn bilgen Aspandııar dosyn qutqarý úshin sýǵa túsken.
Sýǵa batqan qos balany polıtsııa qyzmetkeri Azamat Saıanov qutqaryp qaldy.
«Meniń maqsatym sýǵa batyp bara jatqan balalardy qutqarý boldy. Maǵan bul qıyn bolǵan joq, sebebi bala kezimnen júzýmen aınalysamyn. Árbir azamat osylaı jasaıtyn edi dep oılaımyn», - dedi polıtseı.
Polıtsııa aǵa serjanty ishki ister organdarynda 2017 jyldan beri qyzmet etip keledi.