Polıtseı men áıel arasyndaǵy janjal jelide qyzý talqylandy

AQTÓBE. QazAqparat - Aqtóbe qalasynyń ortalyq bazar mańynda polıtsııa qyzmetkeri men kelinshektiń arasynda týyndaǵan janjal vıdeoǵa túsirilip, áleýmettik jelige júktelgen, dep habarlaıdy QazAqparat tilshisi.

Vıdeodan polıtsııa qyzmetkeri mingen kólikke jarmasqan kelinshek «jiber» dep aıqaılap, mashınanyń esigine ustap, jibermeı qoıady. Osy kezde kólik ishinde otyrǵan polıtsııa qyzmetkeri syrtqa shyǵady. Buǵan da boı bermegen kelinshek kóliktiń aldyna otyryp alady. Keıin taǵy da esikke jarmasty. Bul kórinisti kópshilik beıjaı tamashalaǵanymen, arasha túskender de tabyldy.

«Polıtsııa qyzmetkerleri ózderiniń isteri durys emes bolǵasyn mashınada tyǵylyp otyr»,- dep óz pikirin qaldyrǵan Nııazova degen jeli qoldanýshysy. Vıdeony qaraǵandardyń kóbi áıeldiń is-áreketi men tabandylyǵyna nazar aýdardy.