Polıtseı kóshede uıyqtap jatqan mas adamnyń 845 myń teńgesin qaıtaryp berdi
PAVLODAR. QazAqparat - Pavlodardaǵy kóshelerdiń birinde mas kúıinde uıyqtap qalǵan adamnyń uıaly telefony men jarty mılıonnan astam aqshasyn qaıtaryp bergen tártip saqshysy alǵysqa ıe boldy.
Bul týraly oblystyq ІІD baspasóz qyzmeti málim etti, dep habarlaıdy pavlodarnews.kz.
- Jańa jyl qarsańynda Ýspen aýdanynyń turǵyny ishimdik iship, Qaıyrbaev kóshesi mańyndaǵy dúkenderdiń biriniń janynda uıyqtap qalǵan, - dedi baspasóz qyzmetinde. - Qalalyq ІІB Ortalyq PB JPQ ýchaskelik polıtsııa ınspektory, polıtsııa kapıtany Qaırat Qaıyrbekov ákimshilik ýchaskege tekseris júrgizip, 62 jastaǵy turǵyndy anyqtaǵan. Óz erkimen turyp júre alatyn hali bolmaǵan er adamdy polıtsııa pýnktine deıin kóterip aparý úshin ótip bara jatqan adamnan ótingen. Ýchaskede er adam qujattaryn alyp shyǵarǵanda qaltasynan aqsha oramdary jáne uıaly telefony qulap tústi. Qaırat er adamnyń uıaly telefonynda qyzynyń nómirin taýyp alyp, oǵan ákesiniń qatty masaıǵan kúıinde ekendigin aıtty. Keıin 845 000 tenge jáne qujattar qolhat jazý arqyly qyzyna tapsyryldy. Óz kezeginde 62 jastaǵy aýdan turǵyny polıtsııa kapıtany Qaırat Qaıyrbekovke alǵysyn bildirdi.
