Polıtseı elordalyqtyń jumysqa ornalasýyna kómektesti
NUR-SULTAN. QazAqparat – 7-13 aqpan kúnderi elorda aýmaǵynda «Profılaktıkalyq baqylaý» jedel-aldyn alý sharasy ótedi. Bul sharanyń maqsaty – ishki ister organdary esebinde turǵandardyń, onyń ishinde sottylyǵy bar adamdar tarapynan quqyqbuzýshylyqtardyń aldyn alý, dep habarlaıdy QazAqparat.
Atalǵan jumys aıasynda ýchaskelik ınspektorlar esepte turǵan adamdardyń jáne kámeletke tolmaǵandardyń turǵylyqty jeri boıynsha jáne olardyń belgilengen shekteýlerdi saqtaýy boıynsha tekserý júrgizedi. Esepke alynǵan tulǵalar tarapynan shekteýler buzylsa, tártip saqshylary QR ÁQBK 127, 480 jáne 669-baptary boıynsha ákimshilik jaýapkershilikke tartý sharalary týraly túsindiredi.
Tártip saqshylary esepke alynǵan kontıngentti tekserý boıynsha únemi is-sharalar júrgizedi, abaqty oryndarynan bosatylǵan, kórsetilgen turǵylyqty jerine kelmegen adamdardyń ornalasqan jerin anyqtaıdy.
«Máselen, «Baıqońyr« aýdanyndaǵy polıtsııa bólimshesiniń ýchaskelik polıtsııa ınspektory N.Darbaev «shartty túrde merziminen buryn bosatylǵan» adam retinde profılaktıkalyq esepte turǵan 29 jastaǵy er adamdy jumysqa ornalastyrýǵa járdem kórsetti. Polıtsııa qyzmetkeriniń usynysy men jaǵymdy sıpattamasy boıynsha Chehoev kóshesindegi naýbaıhanadan baspana men jumys tapty. Jedel aldyn alý sharasy bastalǵaly 1700-ge jýyq esepke alynǵan tulǵalar qamtyldy, esepte turǵan tulǵalar tarapynan 134 buzýshylyq anyqtaldy, onyń ishinde 39-y shartty túrde merziminen buryn bosatylǵandar; 9-y sot arqyly minez-qulyqqa erekshe talaptar belgilengender; 12-si qorǵaý nusqamasy shyǵarylǵan adamdar jáne 15-i ákimshilik quqyq buzýshylyq jasaǵany úshin jaýapqa tartylǵandar. Sotqa merziminen buryn shartty túrde bosatý kúshin joıý, ákimshilik qadaǵalaý ornatý jáne májbúrlep emdeýge jiberý máseleleri boıynsha 31 materıal jiberildi. Onyń ishinde 12 ótinish qanaǵattandyryldy», - dep jazylǵan qalalyq PD habarlamasynda.
