Polıtseı aqtútek boranda júrgizýshilerge eskertý vıdeosyn joldady
«... aýdanynda aýa raıyna baılanysty jol jabyldy. Jel óte qatty, aınala tolyq kórinbeıdi, soǵan baılanysty barlyq júrgizýshilerge jolǵa shyqpaı eldimekende qala berýdi suraımyn. Qar tazalaý jumysyna «QazAvtoJoldyń» 16 tehnıkasy jumyldyrylǵan. Qazirgi ýaqytta joldy tazartýǵa múmkindik joq, óıtkeni joldy qaıtadan dereý qar basyp qalyp jatyr. Jambyl oblysy Polıtsııa departamentine qarasty jol-patrýldik bataloniniń 17 ekıpajy jumys isteýde. Joldy tazartý múmkin emes. Taǵy bir márte qurmetti júrgizýshilerden suraıtynym, jolǵa shyqpaı eldimekende bolyńyzdar», - deıdi beınerolıktegi polıtseı.
Aıta keterligi, 22 jeltoqsanda Jambyl oblysynyń Jýaly aýdanynda qar qursaýynda qalǵan 140 adam qutqarylǵan edi. 26 kólik jolda qalyp qoıǵan bolatyn.
Eske sala ketsek, QR Іshki ister mınıstrligi qazaqstandyqtardy alys saparǵa shyǵýdy keıinge qaldyryp, jol ústinde asa saq bolýyn suraıdy.
Búgin Jambyl, Qaraǵandy, Túrkistan oblysynyń aýmaǵyndaǵy joldar jabyldy. Jergilikti tótenshe jaǵdaılar jáne polıtsııa departamentteri joldardy baqylaýǵa alyp, arnaıy kólik turaqtary men jolaýshylardy jylytý beketterin belgiledi.
Sonymen qatar, 23 jeltoqsanda Túrkistan, Shyǵys Qazaqstan, Aqmola, Qyzylorda, Soltústik Qazaqstan oblystarynda aýa raıynyń qolaısyzdyǵyna baılanysty eskertý jarııalanǵan.