Polıtseı 8-shi qabattan qulaǵaly turǵan balanyń aıaǵynan ustap úlgerdi
ASTANA. QazAqparat - Máskeýde Ochakov tas jolyndaǵy úılerdiń biriniń turǵyndary segizinshi qabattan oıynshyqtar qulap jatqanyn baıqaǵan.
Muny nazarsyz qaldyrmaǵan adamdar polıtsııaǵa habarlady. Qyzmetkerler atalǵan mekenjaıǵa shuǵyl jetti. Olar joǵary kóterilip úıge kirmek bolǵan. Alaıda esikti eshkim ashpaǵan soń ony buzýǵa májbúr boldy.
Bólmelerdiń birine kirgen polıtseıler terezeden qulaıyn dep bara jatqan eki jasar balany aıaǵynan ustap úlgerdi. Onyń anasy úıde eken. Alaıda ol esikti ashatyndaı jaǵdaıda bolmaǵan.
Áıeldiń Tájikstan azamatshasy ekeni atalyp ótildi. Qazir ony ata-ana quqyǵynan aıyrý máselesi qarastyrylyp jatyr.
