Polıtseı 5 myń teńge paramen ustaldy
«9 qazan kúni Petropavlda Jemqorlyqqa qarsy qyzmet pen ІІD Ózindik qaýipsizdik qyzmetiniń qyzmetkerleri jeke tulǵadan ákimshilik jaýapkershilikke tartpaý úshin aqsha alý ústinde Soltústik Qazaqstan oblystyq jergilikti polıtsııa qyzmetiniń ınspektory ustaldy. Sotqa deıingi tergeý amaldary júrgizilip jatyr», - dedi resmı ókil.
Sonymen qatar, ol Almaty oblystyq ІІD Ózindik qaýipsizdik basqarmasy Taldyqorǵan qalalyq jergilikti polıtsııa qyzmetiniń eki ınspektoryna qatysty sotqa deıingi tergeý amaldaryn júrgizip jatqanyn aıtty.
«Vıdeojeton jazbasyna sáıkes olar osy jyldyń qyrkúıek aıynda jeke tulǵadan ákimshilik jaýapkershilikke tartpaý úshin 5 myń teńge aqsha alǵan. Sońǵysyna qatysty da para berý faktisi boıynsha sotqa deıingi tergeý amaldary bastaldy», - dedi resmı ókil.