Polıtseı 30 myń teńge para alyp, ony elý eselep qaıtardy
Ol Qarmaqshy aýdandyq ishki ister bóliminiń ákimshilik polıtsııa bólimshesiniń azamattyq jáne qyzmettik qarý aınalymy baqylaý tobynyń ınspektory qyzmetin atqarǵan. Ol turǵyndardyń birine qarý-jaraq satyp alýǵa jáne alyp júrýge ruqsat qujatyn rásimdep beretinin aıtqan. Sol úshin odan 30 myń teńge para alǵan.
Sot talqylaýynda aıyptalýshy kinásin tolyq moıyndaǵan. Ol Qazaqstan Respýblıkasy Qylmystyq kodeksiniń 366-babynyń 1-bóligimen kináli dep tanyldy.
«Osynyń nátıjesinde ol memlekettik jáne quqyq qorǵaý organdarynda laýazymdardy atqarý jáne qyzmetpen aınalysý quqyǵynan ómir boıyna shekteldi. Sondaı-aq, paranyń elý eselengen somasy mólsherinde 1 500 000 teńge aıyppulǵa jazalandy», - delingen aýdandyq sottyń habarlamasynda.
Avtory: Ádiljan Úmbet