Police 102 mobıldi qosymshasy arqyly 400-ge jýyq aryz qabyldandy - ShQO

ÓSKEMEN. QazAqparat – Shyǵys Qazaqstan oblysynda jyl basynan beri «Police 102» mobıldi qosymshasy arqyly 400-ge jýyq aryz qabyldandy, dep habarlaıdy QazAqparat tilshisi.

ShQO polıtsııa departamenti baspasóz qyzmetiniń málimetine súıensek, osy jyldyń aqpan aıynda el aýmaǵynda «102» qyzmetiniń mobıldi qosymshasy iske qosylǵan.

Ol arqyly oqıǵa ornynan habarlama, fotosýretter jáne vıdeolar jiberýge bolady.

Sondaı-aq beıne jáne aýdıoqońyraý jasaý múmkindigi jasalǵan.

Operatormen baılanysqa shyqqan kezde geolokatsııa avtomatty túrde qosylady jáne ótinish berýshiniń derekteri kórsetiledi.

Bul ýaqytty únemdeýge jáne jaqyn jerdegi patrýldik ekıpajdy oqıǵa ornyna jyldam jiberýge múmkindik beredi.

«Osy qosymsha iske qosylǵannan bastap ShQO polıtsııasyna 377 ótinish kelip tústi. Onyń 177-i mátindik formatta, 170-i aýdıojazba boıynsha jáne 30-y beıne qońyraý boıynsha qabyldanǵan, - dep habarlady vedomstvo ókilderi.

Barlyq is boıynsha tıisti sharalar qabyldanǵan.