Pol Ýoker túsken sońǵy fılm qazaqstandyq prokatqa shyqty - VIDEO
ASTANA. QazAqparat - Búgin qazaqstandyq prokatqa Pol Ýoker túsken eń sońǵy fılm shyǵady. Bul týraly meloman.kz habarlady.
«8 mamyrda qazaqstandyq ekrandarǵa basty rólde Pol Ýoker kózi tirisinde túsip úlgergen sońǵy fılm - «13-aýdan: Kirpish úıler» (Brick mansions) krımınaldy boevıgi shyǵady», - delingen habarlamada.
Saıttyń habarlaýynsha, resmı premeraǵa úsh kún qalǵanda Bekmambetov Cinema kınoteatrynda fılm BAQ ókilderine kórsetildi. Onda frantsýzdardyń ataqty «13-aýdan» serııasynyń jankúıerlerine almatylyq parkýrshylar óz ónerlerin kórsetip, tań-tamasha etken.
Qalalyq gımnastıka qaýymdastyǵynyń parkýr sektsııasynda tálim alatyn balalardyń aıtýynsha, olarda parkýrǵa degen qyzyǵýshylyq dál osy «13-aýdan» fılminiń alǵashqy serııasyn kórgennen keıin paıda bolypty. Sondaı-aq, ınternetten parkýr stılin qalyptastyrýshy Davıd Beldiń qatysýymen bolǵan neshe túrli úıden-úıge sekirý túrlerin kórýge bolady.
