Polshanyń Varshava qalasynda bastalǵan halyqaralyq týrnırge qazaqstandyq boksshylar da qatysýda
ASTANA. Sáýirdiń 20-sy. QazAqparat /Jasulan Amanbaıuly/ - Búgin, seısenbide Polshanyń Varshava qalasynda bokstan «Felıks Stamm» atty XXVII dástúrli halyqaralyq týrnıri bastaldy.
Oǵan qazaqstandyq bylǵary qolǵap sheberleri de qatysýda, dep habarlaıdy QazAqparat.
Eresek erler men áıelder arasynda ótip jatqan halyqaralyq týrnırde erler 11 salmaq, áıelder 3 salmaq dárejeleri boıynsha kúsh talastyrady. Bizdiń elimizdiń saıypqyrandary Birjan Jaqypov (48 kg), Danııar Tólegenov (54 kg), Danııar Eleýsinov (64 kg), Serik Sápıev (69 kg)., Nurdáýlet Jarmanov (75 kg), Rústem Іrgebaev (+ 91 kg) salmaqta baqtaryn synamaq.
