Polshanyń fýtbol quramasy Astanany velosıpedpen aralaıdy
ASTANA. QazAqparat - Polshanyń fýtbol quramasy 2 qyrkúıek kúni Astanaǵa ushyp keledi. Qonaqtardyń match aldyndaǵy josparlarynyń biri - elordany velosıpedpen aralaý.
KazFootball.kz portalynyń habarlaýynsha, Polshanyń fýtbol quramasy charterlik reıspen ushyp keledi jáne Rixos qonaq úıinde aıaldaıdy.
Eske sala keteıik, Qazaqstan jáne Polsha quramalary 2018 jylǵy álem chempıonatynyń irikteý týrnıri aıasynda 4 qyrkúıek kúni kezdesý ótkizedi. Oıyn Astana ýaqytymen 22:00-de bastalady. Bıletter 1 qyrkúıekten beri satylyp jatyr.
