Polshanyń eń baı azamaty qaıtys boldy
ASTANA. QazAqparat - Polshanyń eń baı-baqýatty azamaty ıAn Kýlchık (Jan Kulczyk) qaıtys boldy. Ol 65 jasynda ózine jasalǵan otadan keıin kóz jumǵan.
Kýlchık shetelde josparly emdeý kýrsynan ótti. Polshanyń TVN24 telearnasynyń habarlaýynsha, bıznesmen Venada qaıtys boldy.
Forbes jýrnalynyń aqparaty boıynsha, Kýlchıktiń dáýleti 3,9 mıllıard dollarǵa baǵalandy. Onyń Ciech hımııa kompanııasy, Polenergia jáne Serinus Energy energetıkalyq kompanııalary, birqatar munaı-gaz kompanııalary jáne
SABMiller syra kompanııasynda aktıvteri bolǵan.
Mıllıarderdiń birinshi nekeden Domınıka men Sebastıan esimdi eki balasy qaldy. 2013 jyldan bastap Kulczyk Investments atqarýshy dırektory bolyp taǵaıyndalǵan balasy ákesiniń isin jalǵastyryp keledi.
