Polshanyń bas konsýldyǵy Varshavadaǵy Qazaq kóshesin kórsetti
ASTANA. QazAqparat - Almatydaǵy Polshanyń bas konsýldyǵy óziniń Feısbýktaǵy paraqshasynda Varshavadaǵy Qazaq kóshesiniń sýretterin jarııa etti, dep habarlaıdy QazAqparat.
«Ol polıak astanasynyń eń qymbat ári eń sulý aýdandarynyń biri Vılanovta ornalasqan. Qazaq kóshesine taqaý jerde Varshavanyń eń úlken kórikti jeri korol ıAn ІІІ Sobesskııdiń burynǵy jazǵy rezıdentsııasy Vılıanývskıı saraıy ornalasqan», - delingen habarlamada.
Esterińizge sala ketsek, Varshavadaǵy eń qymbat aýdandardyń birindegi kóshege Qazaq ataýy 2006 jyldyń shilde aıynda berilgen bolatyn. Polıak elordasy bıliginiń paıymynsha, Qazaq kóshesi bul Varshavanyń Qazaqstan Astanasyna degen nyshandyq syıy, sonymen qatar jer aýdarylǵan polıaktarǵa kómek berip, qamqorlyq tanytqan qazaq halqyna degen alǵys.
Aıta keterligi, Qazaq ataýy berilgen kósheler Reseıdiń Volgograd, Orynbor, Dondaǵy Rostov, Qazan, Perm qalalarynda, sondaı-aq Túrkııa, Tájikstan elderinde de bar.
