Polshamen matchta jeńiske jetip, ótken jylǵy nátıjeni qaıtalaǵymyz keledi – ıAroslava Shvedova
ASTANA. QazAqparat – Tennısten Qazaqstan áıelder quramasynyń kapıtany ıAroslava Shvedova men komanda múshesi ıÝlııa Pýtıntseva Bıllı Djın Kıng kýboginiń irikteý kezeńi aıasynda Polshamen ótetin match qarsańynda óz oı-pikirlerimen bólisti, dep habarlaıdy QazAqparat tilshisi.
ıA.Shvedovanyń aıtýynsha, 14-15 sáýirde Astanada bolatyn Qazaqstan – Polsha matchynyń mańyzy zor.
«El namysyn qorǵaý úlken jaýapkershilik júkteıdi. Aldyn ala jeńemiz dep boljam jasaý múmkin emes. Qarsylas komandanyń quramy qandaı bolatynyna qaramastan, tastúıin ázirlenýdemiz. Eki jyl qatarynan elordada óner kórsetetinimizge qýanyshtymyz jáne ótken jylǵy nátıjeni qaıtalaǵymyz keledi. Qyzdardyń kóńil-kúıi kóterińki, kortqa úırenip, oıyndarǵa daıyndalýda. Jas tennısshiler oınaıdy ma? degen saýalǵa kelsek, eń aldymen kúshtilerdi qosamyz, eger úsh básekeniń qorytyndysy boıynsha másele sheshilse, onda olardyń babyna qaraımyz. Bizde bári de jekeleı jáne juptyq synda kortqa shyǵýǵa ázirlenýde», dedi ıA.Shvedova.
ıÝ.Pýtıntseva topyraq tósenishindegi maýsymnyń bastalǵanyn jetkizdi.
«Tósenishti tańdaǵan kezde bizge qaısysy kóbirek qolaıly, soǵan súıendik. Negizi qandaı tósenish, qandaı kort bolsa da, biz ár jarysqa tezirek beıimdelýge tyrysamyz. Daıyndyq oıdaǵydaı. Keshe jáne búgin eki saǵattaı oınadym, jattyǵý keshke de jalǵasady. Óz oıynyn tabý úshin bireýge bir, ekinshisine eki nemese úsh saǵat jetkilikti bolýy múmkin. Árkimniń qarym-qabileti ár túrli. Eń bastysy, jeńis úshin barymyzdy salamyz», dedi ıÝ.Pýtıntseva.
Polsha kapıtany Davıd Tselt Qazaqstan komandasynyń sheberligin baǵalap, quramada Iga Shventek pen Magda Frehtiń joqtyǵyn aıtty.
«Biz Qazaqstan quramasyn jaqsy bilemiz. Elena Rybakınanyń baby tamasha, sheberligi ósip keledi. Maǵan onyń oıyny óte unaıdy. ıÝlııa Pýtıntseva – kúsh-jigeri myqty tennısshi, ásirese, topyraq tósenishinde. Anna Danılına juptyq synda ótken jyly Aýstralııa chempıonatynyń fınalyna deıin jetti. Degenmen bul komandalyq jarys bolǵandyqtan, bári de bolýy yqtımal. Quramda Iga men Magdanyń jaraqatyna baılanysty bolmaýy bizge másele emes. Biz bul juptyń favorıti emespiz, sondyqtan qysym kórsetilmeıdi. Osy basymdyqty paıdalanyp qalýǵa tyrysamyz», dedi D.Tselt.
Astanada ótetin Qazaqstan – Polsha matchynyń jerebesi 13 sáýir, beısenbi kúni tartylady.
Eske sala keteıik, budan buryn Qazaqstan tennıs quramasynyń Polshamen ótetin matchqa daıyndyqty bastaǵanynjazǵan edik.
Aleksandr Býblık álemdik reıtıngide TOP-50-ge jaqyndady.
