Polshalyq kəsipkerler Aqmola oblysynan isker əriptester izdep jatyr
KÓKShETAÝ. QazAqparat - Polsha Respýblıkasynyń kəsipkerleri Aqmola oblysynan isker əriptester izdeýde. Bul týraly oblys əkiminiń orynbasary Ashat Qaınarbekovtiń Polshanyń Nıjnesılezskıı voevodstvasynyń marshaly Tsezarı Pshybylskı bastap kelgen delegatsııamen kezdesýinde aıtyldy, dep habarlaıdy QazAqparat tilshisi.
Kezdesýde ekijaqty yntymaqtastyq jəne saýda-ekonomıkalyq baılanysty nyǵaıtý məselesi sóz boldy. Óz kezeginde sheteldikter aqmolalyqtardy aǵymdaǵy jyldyń jeltoqsan aıynda ótetin bıznes-forýmǵa qatysýǵa shaqyrdy.
Delegatsııa quramynda «Feerum» (keshendi astyq elevatorlaryn óndirýshi), «COHM» (qonaq úı jəne meıramhana, farmatsevtıkalyq jəne kosmetıkalyq sala bıznesi), «Sonda Sports Ltd.» (sporttyq sala), «KOSMED» (farmatsevtıkalyq, kosmetıkalyq, kóterme jəne bólshek saýda), «MADONIS» (as, kosmetıkalyq jəne tazalaǵysh quraldary) tárizdi iri kompanııalardyń basshylary boldy.
Nıjnesılezskıı voevodstvasynyń óńirlik damý departamenti dırektorynyń orynbasary Barbara Kaşnıkovska delegatsııa Aqmola oblysyna bıznes boıynsha əriptes izdep kelgenin atap ótti.
Eske sala keteıik, Aqmola oblysy men Polsha Respýblıkasy arasyndaǵy saýda-ekonomıkalyq baılanys 2017 jyldyń birinshi jartyjyldyǵynda 5282 myń AQSh dollaryn qurady. Bul ótken jyldyń sáıkes kezeńimen salystyrǵanda 2,9 ese artyp otyr. Onyń ishinde eksport úlesi 2595,8 myń AQSh dollary, ımport úlesi 2686,2 myń AQSh dollaryn qurady.
